«Рэпарцёры без межаў»: Пераслед двух беларускіх журналістаў – тэст для міжнароднай супольнасці
17 красавіка 2016
Міжнародная арганізыцыя “Рэпарцёры без межаў” асудзіла чарговае пакаранне штрафамі беларускіх журналістаў Кастуся Жукоўскага і Ларысы Шчыраковай і заклікала Еўрапейскі Саюз зрабіць абавязковай умовай збліжэння з нашай краінай прагрэс у галіне свабоды медыяў у Беларусі.
Пра гэта гаворыцца ў распаўсюджаным 16 красавіка прэс-рэлізе “Рэпарцёраў”.
“Гомель выкарыстоўваць як лабараторыю для выпрабавання спосабаў пераследу журналістаў у Беларусі?”, – задаюцца пытаннем “Рэпарцёры без межаў” і нагадваюць, што Жукоўскага штрафавалі сёлета ўжо сем разоў, кожны раз на суму каля 300 еўра, а Шчыракову – тры.
“Давядзенне журналістаў да жабрацтва – гэта спосаб разбурыць іх жыццё”, – лічыць Ёхан Бір (Johann Bihr), кіраўнік офіса “Рэпарцёраў” па Ўсходняй Еўропе і Цэнтральнай Азіі.
“Узровень ціску на журналістаў у Гомелі такі высокі, што гэта выглядае на тэст. Калі міжнародная супольнасць не адрэагуе, рэжым Аляксандра Лукашэнкі адчуе, што ў яго развязаныя рукі пераследаваць журналістаў так, як яму зручна”, – заяўляе прадстаўнік “Рэпарцёраў”.
@bajmedia
У «экстрэмісцкі спіс» Мінінфарма ўключылі Telegram-чат «Комментарии @belamova», яшчэ адзін акаўнт Франака Вячоркі і Telegram-канал No Future
14.08.2024
Экстрэмісцкай інфармацыйнай прадукцыяй прызнана старонка «Новага Часу» ў сацыяльнай сетцы «Х» (былы Тwitter)
20.12.2023
Мінінфарм папоўніў «экстрэмісцкі спіс». У ім — беларускія і ўкраінскія інфармацыйныя рэсурсы
27.09.2024
Рэдактара «Рэгіянальнай газеты» Аляксандра Манцэвіча перавялі ў івацэвіцкую калонію
20.02.2024
