«РокРадыёBY»: Украінскае радыё шукае беларускія песні і ідэі

«Праект робіцца як грамадскае радыё і рады чуць новыя песні і нават аўтарскія праграмы беларускіх музыкаў і дзеячоў культуры», — распавяла ў прэс-рэлізе рэдакцыя.

Скрыншот РокРадыё­BY

Украінскі праект «РокРадіо» аднавіў онлайн-стрым «РокРадыё­BY». На яго хвалях транслююцца класныя беларускія і ўкраінскія кампазіцыі: цяплыня для душаў людзей і смала для вушэй ідэалагічных аддзелаў.

Алег Вдавічэнка, кіраўнік радыё адзначыў:

«Мы верым у моц нацыянальных культур і разумеем хардкорную сітуацыю вакол беларускай мовы, блізкую да горшых савецкіх часоў. Мы — група культурніцкіх актывістаў, робім радыё сваімі рукамі, гэта такі народны UA-aid. Тут кожны можа зрабіць нешта для культуры замест таго, каб наракаць на класічныя медыі, у якіх бюджэтаў на культуру даўно няма. Мы радыя новым беларускім песням на нашых хвалях, а таксама адкрытыя і для аўтарскіх перадач ад культурных аглядаў да стэнд-апу».

У планах праекта — стварэнне блокаў навін, аўтарскіх праграм, інтэрв’ю з беларускімі дзеячамі культуры.

Ва Украіне з’явілася «РокРадыё­BY»

Слухаць «РокРадыё­BY» можна на сайце rockradioua.online/by. Даслаць свае песні і прапановы для новага сезону можна праз імэйл rockradioby.info@gmail.com ці форму зваротнай сувязі (украінская версія).

Адшукаць радыё можна праз Android-аплікацыю —  Google Play.

І на сайце і ў аплікацыях радыёсэрвісаў:

• TuneIn — https://tunein.com/radio/RockRadio-BY-s255788.

• Online Radio Box — https://onlineradiobox.com/ua/rockradioby/?cs=ua.rock.