«СБ» напісала пра мізэрныя заробкі, якія прапаноўваюць выпускнікам журфака, а потым выдаліла артыкул
27 лютага 2019
На сайце газеты Адміністрацыі прэзідэнта «СБ. Беларусь сегодня» 25 лютага з’явілася нататка з загалоўкам «Дэкан журфака БДУ: стартавы аклад, які прапануюць нашым выпускнікам у рэгіёнах — 162 рублі».
Гэтыя словы дэкан Вольга Самусевіч сказала на калегіі Міністэрства інфармацыі. «Сёлета пад размеркаванне трапляюць 102 выпускнікі. Але ёсць велізарныя складанасці, якія тычацца перш за ўсё размеркавання на месцах. Справа ў тым, што ў рэгіянальных СМІ стартавы аклад, прапанаваны нашым выпускнікам — 162 рублі. Пры гэтым толькі 30% рэгіянальных СМІ гатовыя даць маладому супрацоўніку месца ў інтэрнаце ці іншае жыллё. Усё гэта, як вы разумееце, не спрыяе жаданню выпускнікоў працаваць у рэгіянальных сродках масавай інфармацыі», — зазначыла Самусевіч.
Адметна, што ў хуткім часе артыкул пра аклад маладых журналістаў з сайта «СБ» чамусьці знік. Знайсці публікацыю можна ў кэшы пошукавых сістэм.
@bajmedia
Два гады пазбаўлення волі і гіганцкі штраф у 20 тысяч рублёў за «супрацоўніцтва» з «Белсатам»
22.04.2024
Журналісту Дзянісу Івашыну забаранілі дасылаць у турму асадкі і стрыжні для пісання
21.12.2023
Улады аб’явілі «экстрэмісцкім фармаваннем» спартовае медыя «Tribuna.com Беларусь»
05.12.2023
«Абарвалася занадта шмат жыццяў»: еўрапейскія дыпламаты выступілі з сумеснай заявай
12.11.2024
