Шорт-ліст прэміі Францішка Багушэвіча: «Белсат», Сяргей Дубавец, анлайн-часопіс Taubin

У кароткі спіс прэміі ўвайшлі 4 кнігі, два тэлевізійныя праекты і адзін YouTube-праект.

21 сакавіка, у дзень нараджэння Францішка Багушэвіча, Беларускі ПЭН прадставіў
кароткі спіс намінантаў на прэмію ў яго гонар. Гэтая ўзнагарода адзначае творцаў, якія аднаўляюць гістарычную памяць і ўмацоўваюць беларускую ідэнтычнасць.

Хто ўвайшоў у кароткі спіс прэміі імя Францішка Багушэвіча

• «Вусы Скарыны» – аўтар і вядоўца Цімафей Акудовіч (телевізійны праект «Белсата»).
• «Нітка Зорка. Майстэрня Кацярыны Ваданосавай» – аўтарка і вядоўца Кацярына Ваданосава (телевізійны праект «Белсата»).
• «Кніга могілак. Беларускія пахаванні ў свеце» – Наталля Гардзіенка, Лявон Юрэвіч (фонд «Kamunikat.org»).
• «Стагодзьдзе НН» – Сяргей Дубавец (выдавецтва «Вясна»).
• «Экспэдыцыя Вацлава Ластоўкага 1928 году. Захаваная спадчына» – Вольга Лабачэўская (выдавецтвы Skary­na Press і Cza­bor Pub­lish­ing).
• «Савецкая Беларусь» – Ганна Севярынец (выдавецтва Cza­bor Pub­lish­ing).
• «Беларусь як тэкст» – каманда анлайн-часопіса Taubin (цыкл YouTube-лекцый).

Сёлета Беларускі ПЭН аднавіў падыход да намінацый і пашырыў фарматы твораў. Цяпер у спіс маглі трапіць не толькі кнігі, але і публіцыстыка, падкасты, кіно ды іншыя формы мастацкага выказвання.

«Еду на лекцыю і шыю панталоны». Кацярына Ваданосава расказала пра новы аўтарскі праект