Суд у Петрыкаве пакараў буйнымі штрафамі фрылансераў Жукоўскага і Толчына
27 верасня 2017
Служба маніторынгу ГА "Беларуская асацыяцыя журналістаў"
Суддзя Петрыкаўскага раённага суда Андрэй Багданік прызнаў вінаватым гомельскага фрылансера Кастуся Жукоўскага ў незаконным вырабе прадукцыі СМІ для тэлеканала “Белсат” без акрэдытацыі ў МЗС і на падставе часткі 2 артыкула 22.9 КаАП аштрафаваў яго на 40 базавых велічыняў, што складае 920 рублёў.
Сёлета гэта восьмае пакаранне Жукоўскага за працу журналістам-фрылансерам. Агульная сума яго штрафаў склала 7 130 рублёў.
На 40 базавых велічыняў суд аштрафаваў і Андрэя Толчына, з якім Жукоўскі здымаў сюжэт пра занядбаны жыллёвы фонд у былым вайсковым гарадку Мышанка.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
