Свабодзе слова ў Глыбокім быць!

Свабоду слова панёс на сваіх крылах папяровы самалёцік пад бел-чырвона-белымі сцягамі. А паднялі яго ў паветра бел-чырвона-белыя шары — як сімвал сцяга свабоды і незалежнасці.

Паводле Змітра Лупача, спачатку была задума запусціць у паветра птушку, як сімвал свабоды, але потым вырашылі зрабіць папяровы самалёт:

«Мы, канешне, ганарымся, што знакаміты авіяканструктар Павел Сухі нарадзіўся ў Глыбокім і рабіў добрыя самалёты. Але, на жаль,гэтыя самалёты служылі Савецкаму саюзу, зараз служаць Расіі, і яны не нясуць свабоду людзям. Нядаўна ў Глыбокім паставілі яшчэ два самалёты, іх у горадзе ўжо тры. Яны надзейна ўсталяваныя іне ўзлятуць. А наш самалёт паляцеў, таму што свабода слова павінна быць».

Як кажа Таццяна Смоткіна, свабода слова — гэта перш за ўсё свая ўнутраная свабода:

«Мы вельмі рады, што мы адносімся да асацыяцыі незалежных журналістаў, якія могуць несці чытачу плюралізм меркаванняў. Нягледзячы на тое, што ўлады заразствараюць больш жорсткія ўмовы для працы незалежных журналістаў, асабліва журналістаў-фрылансераў, свабоднае слова будзе гучаць з іх вуснаў, як цяжка не было б працаваць. Бо менавіта да журналістаў-фрылансераў людзі часам звяртаюцца як да самай апошняй інстанцыі. А мы працуем у першую чаргу для сваіх чытачоў і слухачоў».

Журналісты спадзяюцца, што ў Беларусі свабода слова  будзе сапраўднай свабодай, а не канцылярызмам у прамовах чыноўнікаў.