У Батумі адбылася акцыя салідарнасці з беларускімі журналістамі
9 верасня 2021
8 верасня ў цэнтры Батумі ў Грузіі адбылася акцыя салідарнасці з незалежнымі медыя ў Беларусі. Паўсотні ўдзельнікаў акцыі назвалі імёны беларускіх журналістаў, якія цяпер у зняволенні, пералічылі медыя, што патрапілі пад рэпрэсіі.
На думку актывістаў і арганізатараў акцыі, без незалежнай прэсы Беларусь можа ператварыцца ў Паўночную Карэю, дзе застанецца толькі дзяржаўная прапаганда.
Шмат хто з незалежных журналістаў вымушаныя былі пакінуць Беларусь і цяпер знаходзяца за яе межамі. Па неафіцыйных звестках, толькі ў Грузіі знаходзяцца з паўсотні беларускіх журналістаў, таксама калегі пераехалі ў Польшу, Літву, Украіну.
Да месца правядзення акцыі прыйшла і Людміла Шарамет — маці вядомага беларускага журналіста Паўла Шарамета, які быў забіты ў Кіеве. Яна заклікала не спыняцца ў адстойванні свайго права на свабоду слова.
@bajmedia
Сілавікі апублікавалі відэа з затрыманай супрацоўніцай медыя, высвятляем яе асобу
16.02.2024
Фанаты «Арсенала» заступіліся за беларускага журналіста. Пра лёс Юрыя Ганцарэвіча ім распавяла заўзятарка «Манчэстэр Юнайтэд»
08.05.2024
Знявагі і мова варожасці: Telegram-канал, блізкі да сілавікоў, цкуе журналіста Змітра Лупача
29.05.2024
У Брэсце суды павялічылі «экстрэмісцкі» спіс за кошт СМІ, але зрабілі гэта з памылкамі
17.01.2024
