У байнэце з’явіўся сайт з самай доўгай назвай — 50 знакаў
9 студзеня 2019
Як паведамляе кампанія hoster.by, тэхнічны адміністратар нацыянальных даменных зон.BY /.БЕЛ, у снежні 2018-га з'явіўся сайт з самым доўгім даменным іменем, з існуючых сёння ў Байнэце.
Рэкордным стала імя refrizherator-holodilnaja-ustanovka-kondicioner.by, яно складаецца з пяцідзесяці знакаў. На ім размешчана інфармацыя аб рэфрыжэратарах, халадзільных устаноўках і аўтамабільных кандыцыянерах. Другое месца, 44 сімвала, сярод самых доўгіх даменных імёнаў на лацінцы займае ritualno-memorialnaya-kompaniya-soligorsk.by.
А самым доўгім кірылічным даменным іменем у 2018 годзе стала солигорский-государственный-колледж.бел — у ім 39 знакаў. Да гэтага самая доўгая назва была ў неіснуючага зараз сайта трубы-на-газовую-колонку-и-котел-в-гродно.бел (45 сімвалаў), і яно ўпэўнена трымала першае месца ўвесь 2017 год.
«У эпоху смартфонаў усё радзей карыстальнікі ўручную набіраюць імёны сайтаў у адрасным радку, — распавядае генеральны дырэктар hoster.by Сяргей Павалішаў. — Таму даўжыня даменнага імя цяпер не настолькі крытычная, як некалькі гадоў таму. Аднак, памер даменнага імені ў нацыянальнай зоне.BY /.БЕЛ мае тэхнічныя абмежаванні: максімальна дазволеная даўжыня складае 63 сімвалы без уліку даменнай зоны. Так што беларусам, якія прыдумляюць імёны сваіх сайтаў, ёсць куды расці».
@bajmedia
«9 з 10 забойстваў застаюцца беспакаранымі». 2 лістапада — Міжнародны дзень спынення беспакаранасці за злачынствы супраць журналістаў
02.11.2024
Алімпіяда-2024 адсутнічае ў раскладзе БТ
16.07.2024
Звязаная з сям’ёй Лукашэнкі кампанія зарабляе на радыё ў Беларусі
03.05.2024
У Віцебску затрымалі былога выдаўца і распаўсюджвальніка незалежнай прэсы Барыса Хамайду
24.01.2024
