У Ганцавічах затрымалі журналістаў «Белсату»

«Папрасілі прайсці ў пастарунак, бо мы, высвятляецца, не можам проста так здымаць. Нас мусяць апытаць, каб даведацца, што адбываецца», – адзначыў Ігар Кулей.

Журналістаў пасадзілі ў міліцэйскую машыну, дзе прымусілі выключыць камеры.

Кіраваў затрыманнем старшы лейтэнант Канстанцін Рудзенка.

Здымачная група працавала каля мясцовага рынку. Паводле міліцыянтаў, «паступіў званок з рынку, што нехта здымае». Праваахоўнікі адрэагавалі на тэлефанаванне.

Пасля запісу «тлумачэнняў» усю здымачную групу адпусцілі без складання пратаколаў.