У беларускім «экстрэмісцкім» спісе сацсеткі расійскага журналіста Аляксандра Няўзорава

11 лютага абнавіўся Рэспубліканскі спіс экстрэмісцкіх матэрыялаў на сайце Міністэрства інфармацыі.

Аляксандр Няўзораў. Фота: Telegram-канал Аляксандра Няўзорава

Паводле рашэння суда Цэнтральнага раёна Мінска ад 7 лютага ў яго трапілі старонкі расійскага журналіста Аляксандра Няўзорава ў розных сацсетках і мэсэнджарах. У прыватнасці:

• Telegram-канал з назвай  «НЕВЗОРОВ» (ідэнтыфікатар https://t.me/nevzorovtv );
• старонка з назвай «Александр Невзоров» у Insta­gram ( ідэнтыфікатар https://www.instagram.com/nevzorovofficial);
•  старонка з назвай «Александр Невзоров» у Face­book (ідэнтыфікатар https://www.facebook.com/nevzorovanevzorov);
•  Youtube-канал з назвай «Александр Невзоров» (ідэнтыфікатар https://www.youtube.com/@NevzorovTV );
• акаўнт у сацсетцы Х з назвай «Александр Невзоров» (ідэнтыфікатар https://x.com/NevzorovAG).

Паводле рашэння суда Ленінскага раёна Магілёва ад 7 лютага «экстрэмісцкім» прызнаны  Telegram-чат з назвай  «Ямницкий флот» (ідэнтыфікатар на сайце Міністэрства інфармацыі не ўказаны). А таксама лагатып Telegram-канала і чата, які, паводле апісання на сайце ведамства, выглядае як «злучэнне бела-чырвона-белага палатна простакутнай формы з надпісам «ЯМНИЦКИЙ ФЛОТ».  Гэты рэсурс стваральнікі прэзентуюць як навінавую стужку «з Магілёва і не толькі».

6 лютага суд Ленінскага раёна Гродна пастанавіў лічыць «экстрэмісцкімі»  шэраг  рэсурсаў праекта «UA Беглый в Украину»:

• сайт з назвай  «UA Беглый в Украину» (ідэнтыфікатар https://i.belkrainec.com);
• Youtube-канал з назвай «UA Беглый в Украину» (ідэнтыфікатар https://www.youtube.com/@belkrainec);
• Telegram-бот «Написать Беглому» (ідэнтыфікатар https://t.me/belkrainecbot).

Заснавальнік праекта — Сяргей Прохараў (Сєрьожа Прохоров), журналіст, блогер, медыяменеджэр, сузаснавальнік анлайн-выдання «Ukrainian.Media». 

У той самы дзень той самы суд Ленінскага раёна Гродна прызнаў «экстрэмісцкай» інфамацыйнай прадукцыяй і шэраг іншых інтэрнэт-рэсурсаў, якія транслююць навіны з Украіны і Беларусі:

• Telegram-канал пад назвай «Экстраньюст» (ідэнтыфікатар https://t.me/xtrnews);
• Telegram-канал пад назвай  «Навiны i Новини» (ідэнтыфікатар  https://t.me/navnov );
• Telegram-канал пад назвай « Ukrainian.Media» (ідэнтыфікатар https://t.me/ukrnmedia).