У Магілёве суд над журналісткай Алінай Скрэбуновай не адбыўся
9 лістапада 2017
Разгляд адміністрацыйнай справы ў судзе быў перанесены на 14 лістапада, бо Аліна Скрэбунова не прыйшла на судовае пасяджэнне.
8 лістапада ў судзе Ленінскага раёна Магілёва быў запланаваны адміністрацыйны працэс па справе журналісткі-фрылансеркі Аліны Скрэбуновай. Супрацоўнікі міліцыі склалі на яе тры пратаколы аб адміністрацыйным правапарушэнні за падрыхтоўку сюжэтаў для тэлеканала “Белсат”, якія з’явіліся на канале 9, 18 і 30 верасня. Журналістку абвінавачваюць “ва ўдзеле ў вырабе прадукцыі СМІ”, ёй інкрымінуюць парушэнне ч. 2 арт. 22.9 КаАП Рэспублікі Беларусь (незаконны выраб прадукцыі СМІ).
Аліна Скрэбунова не з’явілася на судовае пасяджэнне па невядомых прычынах. У суд таксама не з’явіліся і двое сведкаў па яе адміністрацыйнай справе.
Суддзя Таццяна Касцюк усё ж распачала судовы працэс, падчас якога абвясціла аб пераносе разгляду справы на 14 лістапада.
Праваабаронца Барыс Бухель адзначыў, што Аліна Скрэбунова не панясе пакарання за няяўку ў суд, бо ніякай адказнасці за гэта не прадугледжана. За правапарушэнне, якое прыпісваюць журналістцы, прадугледжаны максімум штраф.
Нагадаем, што ў верасні гэтага года Аліна Скрэбунова ўжо была пакараная штрафам у памеры 20 базавых велічынь (460 рублёў) згодна ч. 2 арт. 22.9 КаАП Рэспублікі Беларусь (незаконны выраб прадукцыі СМІ) за супрацу з тэлеканалам “Белсат”.
@bajmedia
Украинку, отправившую два видео с военной техникой «Зеркалу», приговорили к 2,5 годам колонии
19.12.2023
У Беларусі можа з’явіцца новы тэлеканал з навінамі прапаганды нон-стоп — што вядома?
28.03.2024
У адказ на блакіроўку Еўрасаюзам расійскіх СМІ ў Расіі заблакавалі «Белсат»
25.06.2024
Заснавальнік платформы «Новая Беларусь» анансаваў укараненне персаналізаванай стужкі навін і выкарыстанне штучнага інтэлекту
04.12.2023
