Улады Беларусі ліквідавалі Таварыства беларускай мовы
8 лістапада 2021
ТБМ было адной з самых аўтарытэтных грамадскіх арганізацый у Беларусі, што займаецца папулярызацыяй беларускай мовы і культуры.
Пра ліквідацыю арганізацыі на сваей старонцы ў Facebook паведаміла яе кіраўнік Алена Анісім.
«Вярхоўны суд Беларусі прыняў рашэнне аб ліквідацыі ГА Таварыства беларускай мовы імя Ф. Скарыны», — паведаміла кіраўніца ТБМ.
Верагодна, што ліквідацыя ТБМ звязаная з блакаваннем і вобшукамі ў газэце «Новы Час», якія адбыліся напрыканцы кастрычніка. Арганізацыя была юрыдычным заснавальнікам выдання.
З 2016 па 2019 год старшыня арганізацыі Алена Анісім была дэпутатам Палаты прадстаўнікоў, але гэта не дапамагло Таварыству беларускай мовы і выданю «Новы Час» уратавацца ад закрыцця.
Нагадаем, што 28 кастрычніка сайт газеты «Новы Час» перастаў адкрывацца для карыстальнікаў у Беларусі і за яе межамі, разам з тым рэдакцыя выдання не атрымлівала якіх-кольвек папярэджанняў ці іншай інфармацыі пра тое, што сайт novychas.by нешта парушыў альбо нейкая інфармацыя ў ім была недакладнай.
Зараз сайт выдання даступны праз люстэрка.
@bajmedia
Вядомага беларускага журналіста Андрэя Мялешку не пусцілі ў Грузію, дзе ён жыў апошнія гады
16.09.2024
Telegram-канал з трыма падпісчыкамі прызналі «экстрэмісцкім». Яшчэ раніцай іх было два
18.05.2024
Рада Еўропы: «Cамацэнзура больш не абараняе журналістаў у Беларусі»
05.03.2024
Павел Латушка абмеркаваў падтрымку «Белсату» і незалежных СМІ з віцэ-маршалкам Сенату Польшчы
11.03.2024
