Уладзімір Макей прыгразіў замежным СМІ, акрэдытаваным у Беларусі
18 верасня 2020
Калі Еўрасаюз увядзе санкцыі супраць прадстаўнікоў Беларусі, афіцыйны Мінск прыме крокі ў адказ. Яны могуць закрануць замежныя СМІ, акрэдытаваныя ў Беларусі, заявіў міністр замежных спраў Уладзімір Макей.
Уладзімір Макей / СТБ
Кіраўнік беларускай дыпламатыі адзначыў, што 21 верасня міністры замежных спраў краін-чальцоў Еўразвязу будуць абмяркоўваць пытанне пра санкцыі супраць прадстаўнікоў Беларусі. Афіцыйны Мінск, па яго словах, гатовы даць адказ.
«Натуральна, у выпадку, калі будуць прынятыя нейкія санкцыйныя меры ў дачыненні да Беларусі, то, думаю, і беларускай дзяржавай будуць прынятыя адпаведныя крокі, звязаныя з унутрыпалітычным функцыянаваннем дзяржаў. Гэта можа датычыць і палітычнай сістэмы, і функцыянавання замежных СМІ, акрэдытаваных у Беларусі, і шэрагу іншых крокаў», — цытуе словы Макея тэлеканал СТБ.
Напярэдадні Еўрапарламент прызнаў Каардынацыйную раду часовым прадстаўніком народа Беларусі і заклікаў замарозіць перавод грошай з ЕС дзяржаўным і кантраляваным дзяржавай арганізацыям Беларусі.
@bajmedia
Кіраўніка прыватнай гомельскай тэлекампаніі асудзілі ўжо другі раз, а ягоны намеснік прапаў без вестак
15.04.2024
В эфире ОНТ назвали цифру уехавших беларусов, у которых власти собираются конфисковать квартиру или дом
17.06.2024
YouTube-канал «Тутэйшы Шляхцiч» і акаўнты блогера Усяслава Пашкевіча прызналі «экстрэмісцкімі»
05.04.2024
Давайце дапаможам! Журналістцы ў эміграцыі неабходна падтрымка, каб палепшыць стан здароўя
23.10.2024
