З парталу Onliner сыходзіць галоўны рэдактар
31 жніўня 2021
У разьвітальным допісе Мікалай Казловіч паведаміў, што сыходзіць у афлайн на «перазагрузку», а рэдактарскія абавязкі падхопіць ягоны калега Мікалай Градзюшка.
«Onliner — ты космас! Дзякуй за магчымасьць займацца любімай справай апошнія 10 гадоў. Гэтая мая гісторыя заканчваецца. А далей — паглядзім. Усьцешаны, што перадаю руль Колю Градзюшку. Усё будзе добра», — напісаў ён у твітэры.
Незадоўга да атакі на незалежныя мэдыя разам з рэдактарамі парталу Tut.by Марынай Золатавай і спартовага рэсурсу Tribuna Алегам Гаруновічам далучыўся да моўнай ініцыятывы «беларускія нядзелі».
Onliner — апошні буйны онлайн-рэсурс, які мае статус СМІ. Журналісты асьвятлялі леташнія масавыя акцыі пратэсту, іх затрымлівалі і судзілі.
Так, у канцы мінулага году тады яшчэ выпускаючага рэдактара Мікалая Градзюшку абвінавацілі ва ўдзеле ў «несанкцыянаваным мерапрыемстве». Да суду пратрымалі на Акрэсьціна і пакаралі штрафам у памеры 30 базавых велічынь (на той момант 810 рублёў). А сёлета сілавікі прыходзілі зь ператрусам да журналісткі Настасьсі Занько.
@bajmedia
Amnesty International заклікала вызваліць Алеся Бяляцкага на фоне паведамленняў аб пагаршэнні ягонага здароўя
12.07.2024
Блогер Віталь Усціновіч правёў 25 сутак у ІЧУ за распаўсюд «экстрэмісцкіх матэрыялаў»
12.03.2024
«Шмат людзей накінуліся на мяне, як на лёгкую нажыву». Былая фатографка БелТА адказала на хвалю хейта ў свой адрас
15.02.2024
7 чэрвеня Вярхоўны суд будзе разглядаць апеляцыйную скаргу Ігара Карнея
04.06.2024
