Запрашаем на прэс-ланч Adami Media Prize з удзелам Дар’і Жук (12 верасня)

Міжнародны анлайн-конкурс Ada­mi Media Prize запрашае сябраў на прэс-ланч, які адбудзецца 12 верасня а 13:00 у офісе Беларускай асацыяцыі журналістаў (г.Мінск, вул. Кальварыйская, 16 офіс 265).

Культурніцкая разнастайнасць з’яўляецца асноўнай каштоўнасцю Ada­mi Media Prize. Мы лічым, што медыя і прадусары аўдыёвізуальнага кантэнту выконваюць важную ролю ў прасоўванні ідэй талерантнасці і мірнага суіснавання розных груп грамадства.

Прэмія ADAMI прысуджаецца за лепшыя тэлевізійныя праграмы, фільмы і навіны, а таксама анлайн-відэа і анлайн-праекты, якія тычацца тэм міграцыі, інтэграцыі, этнічнай, рэлігійнай і культурніцкай разнастайнасці.

У праграме:

• Кароткая прэзентацыя пра тое, што ёсць Ada­mi Media Prize і навошта ён патрэбны медыя- і аўдыёвізуальным прафесіяналам і прадусарам;

• На пытанні ўдзельнікаў адкажа Воля Бартлава, каардынатарка Ada­mi Media Prize у Беларусі, а таксама, беларускія фіналісты мінулых конкурсаў;

• Спецыяльная госця – Дар’я Жук, рэжысёрка фільма «Crys­tal Swan», які быў абраны Амерыканскай акадэміяй кінематаграфічных мастацтваў і навук у шорт-ліст 91‑й цырымоніі ўручэння ўзнагарод Оскар у намінацыі «Лепшы замежны фільм», таксама адкажа на пытанні ўдзельнікаў;

• І канешне, вельмі смачны і карысны для здароўя паўнавартасны хэнд-мэйд ланч ад сяброў Ada­mi Media Prize – сеткі піражковых «Сытые братья», прыгатаваны з любоўю самым брэнд-шэфам Арыфам.

Прыходзьце 12 верасня на прэс-ланч, які адбудзецца ў офісе Беларускай асацыяцыі журналістаў: Мінск, вул. Кальварыйская, 16 офіс 265 (4 паверх). Будзе смачна цікава!

Увага! Просім зарэгістравацца па спасылцы

Дадатковая інфармацыя:

Конкурс з’яўляецца некамерцыйным мерапрыемствам і праводзіцца на тэрыторыі краінаў Усходняга партнёрства анлайн праз падтрымку Міністэрства замежных спраў Нямеччыны і Pro­Cre­d­it Hold­ing. Штаб-кватэра конкурсу знаходзіцца ў сталіцы Грузіі, Тбілісі. Сесія міжнароднага журы для вызначэння намінантаў і пераможцаў конкурсу адбудзецца ў закрытым фармаце напрыканцы кастрычніка ў Адэсе, Украіна. Гала-цырымонія адбудзецца ў лістападзе, у Кішынёве, з удзелам першых асобаў Малдовы.

Некаторыя з пераможцаў мінулага конкурсу:

У намінацыі Дакументальны фільм перамог дакумент Ніно Чуткерашвілі (Грузія) Шлях Ніко.

У намінацыі Малады Адамі перамагло відэа Наталіі Сяргееў з Малдовы пад назвай Gen­er­a­tion Emi­gra­tion.

Спецыяльным прызам Ada­mi было адзначанае відэа нашага суайчынніка Ігара Назаранкі «Што ёсць мова варожая», якое ён зрабіў для сайту mediakritika.by.

З усімі працамі можна пазнаёміцца тут.

Адкрый свет разнастайнасці разам з Ada­mi Media Prize
Падрабязнасці: adamimediaprize.eu
Даведкі: +375 29 624 43 22, adami.belarus2018@gmail.com