Журналістам незалежных СМІ адмовілі ў акрэдытацыі на працэс над Кацярынай Барысевіч і доктарам Арцёмам Сарокіным
18 лютага 2021
Журналістам незалежных СМІ адмовілі ў акрэдытацыі на працэс над Кацярынай Барысевіч і доктарам БХМД Арцёмам Сарокіным, якіх заўтра будуць судзіць за разгалошванне інфармацыі аб стане Рамана Бандарэнкі — што ў яго крыві не было алкаголю на момант, калі ён патрапіў у бальніцу ў цяжкім стане пасля збіцця.
На суд не атрымалі акрэдытацыі журналісты TUT.ВY, «Комсомольской правды», Onliner і БелаПАН, газеты «Новы Час» и Office Life.
— Ваша заяўка на акрэдытацыю адхіленая, — паведаміла журналістам памочнік старшыні суда Маскоўскага раёна Марыя Грышанкова.
У якасці прычыны яна назвала «абмежаванасць месцаў у зале судовага пасяджэння і меры па недапушчэнні распаўсюджвання коронавирусной інфекцыі». Паводле яе слоў, акрэдытавана «дастатковую колькасць СМІ, каб забяспечыць галоснасць судовага паседжання». Якія менавіта СМІ змогуць трапіць на працэс, Марыя Гришенкова назваць адмовілася.
Гэта не першы выпадак, калі журналістам незалежных выданняў адмаўляюць у допуску на адкрытыя судовыя пасяджэнні.
@bajmedia
Суды Брэсцкай вобласці істотна папоўнілі спіс «экстрэмістаў» у рэгіёне за кошт сацсетак мясцовых медыяў
20.12.2023
«Вясна» атрымала прэмію ААН ў галіне правоў чалавека за 2023 год
22.12.2023
Блогера Аляксандра Ігнацюка вінавацяць у садзейнічанні экстрэмісцкай дзейнасці, вымагальніцтве і паклёпе
11.03.2024
Бондарава заявіла, што выйграла суд у прадзюсера папулярных блогераў
08.08.2024
