Журналістаў не пусцілі на сустрэчу старшыні Брэсцкага аблвыканкама з праціўнікамі акумулятарнага завода
12 чэрвеня 2019
Сустрэча з кіраўніком абласной выканаўчай улады Анатолем Лісам адбылася 12 чэрвеня, у першапачатковым спісе для ўдзелу ў ёй былі пазначаныя тры прадстаўнікі незалежных выданняў.
На прысутнасці журналістаў настойвалі актывісты ініцыятыўнай групы, якія ўжо амаль паўтары гады змагаюцца супраць будаўніцтва пад Брэстам завода акумулятарных батарэй фірмы “АйПаўэр”.
Аднак ніхто з прадстаўнікоў СМІ на сустрэчу не змог патрапіць. Больш таго, з боку ўладаў прагучала патрабаванне не весці запіс трохгадзіннай размовы на дыктафон.
Напярэдадані, 11 чэрвеня, адміністрацыя акумулятарнага завода «АйПаўэр» вырашыла зладзіць адмысловую прэс-канферэнцыю, але і на яе запрасілі толькі асобных журналістаў. Большасці прадстаўнікоў незалежных СМІ і блогераў, якія рэгулярна асвятляюць падзеі, звязаныя з гэтым заводам, на тэрыторыю прадпрыемства зайсці не дазволілі. Каментаваць сваё стаўленне да такога падзелу журналістаў кіраўніцтва завода адмовілася.
@bajmedia
Галоўную рэдактарку газеты «Мозырский нефтепереработчик» асудзілі за «экстрэмізм»
11.07.2024
Дзмітрый Семчанка ўжо другі дзень народзінаў сустракае за кратамі
28.08.2024
Замежным партнёрам даводзіцца тлумачыць, што беларускія незалежныя СМІ не могуць зарабляць самастойна — Вячорка
06.05.2024
Прапагандысты Брэсцкай вобласці абмяркавалі, як трэба весці «інфармацыйную працу з насельніцтвам»
02.08.2024
