Журналістку Насту Захарэвіч пакаралі 7 суткамі арышту за ўдзел у несанкцыянаванай вулічнай акцыі
7 верасня 2020
Прэс-служба ГА "Беларуская асацыяцыя журналістаў"
Такое рашэнне вынесла суддзя Цэнтральнага суда Мінска Вікторыя Шабуня.
Журналістка «Зялёнага партала» Наста Захарэвіч была затрыманая ў Мінску 5 верасня.
Супрацоўнік міліцыі сведчыў у судзе, што Захарэвіч ішла з дэманстрантамі. Сама Наста падкрэслівала, што падчас вулічнага шэсця яна рабіла фота падзей, якія пасля планавала прапанаваць розным медыя для публікацыі.
Аднак суд не прыняў яе аргументаў. Насту Захарэвіч пакаралі арыштам на 7 сутак за ўдзел у несанкцыянаванай вулічнай акцыі (арт. 23.34 КаАП).
Наста мае праблемы са здароем і мусіць рэгулярна прымаць лекі.
Калегі і родныя змаглі перадаць для Насты лекі і неабходныя рэчы вечарам 7 верасня.
Суддзя Вікторыя Шабуня шмат разоў выносіла абвінаваўчыя прысуды журналістам «Белсата».
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Блогер Руслан Ліннік не выйшаў з калоніі пасля адбыцця чатырохгадовага тэрміну
18.10.2024
Выйшла на волю Дар’я Лосік, асуджаная за падтрымку мужа — блогера Ігара Лосіка
24.07.2024
Meta запускае кампанію па барацьбе з ШІ-дэзынфармацыяй і дыпфэйкамі
27.02.2024
Вярхоўны суд будзе разбіраць апеляцыйныя скаргі асуджаных да зняволення Алеся Сабалеўскага і Яўгена Глушкова
25.09.2024
