Журналістку Таццяну Смоткіну наведаў намеснік пракурора Глыбоцкага раёна
10 снежня 2021
Раніцай 10 снежня дамоў да журналісткі Таццяны Смоткінай завітаў намеснік пракурора Глыбоцкага раёна Ян Сасноўскі. Мэта яго візіту — правядзенне прафілактычнай гутаркі з журналісткай. Бо, паводле яго слоў, Таццяна сёлета прыцягвалася да адміністрацыйнай адказнасці па артыкуле 23.5 КаАП за супрацу без акрэдытацыі з “Беларускім Радыё Рацыя”.
Намеснік пракурора распавёў, за што і паводле якіх артыкулаў цяпер могуць прыцягнуць да крымінальнай адказнасці. Параіў азнаёміцца на дзяржаўным сайце са спісам экстрэмісцкіх СМІ і тэлеграм-каналаў, за распаўсюд інфармацыі з якіх можа пагражаць крымінальная адказнасць.
Пасля нагадаў, што ў Таццяны расце сын, зараз ён у падлеткавым узросце, і таму з ім таксама трэба праводзіць гутаркі рознага кшталту, у тым ліку як правільна сябе паводзіць у прасторы інтэрнету.
Па выніку Ян Сасноўскі даў журналістцы падпісаць паперу, што з ёй была праведзеная прафілактычная гутарка, і сышоў.
Як зазначае Таццяна Смоткіна, намеснік пракурора паводзіў сябе карэктна.
Нагадаем, тыдзень таму журналістку наведваў Следчы камітэт — па крымінальнай справе за знявагу Аляксандра Лукашэнкі.
@bajmedia
Аўтары Telegram-каналаў змогуць размяшчаць платны кантэнт і атрымліваць данаты ад карыстальнікаў
08.07.2024
У Беларусі хочуць ліквідаваць фонд, які выпускаў часопіс «Дзеяслоў»
16.06.2024
На журфаку БДУ новы намеснік дэкана — фанат Лукашэнкі родам з Пскову
10.01.2024
Пракуроры Брэсцкай вобласці ад пачатку года «выявілі» амаль 200 «экстрэмісцкіх матэрыялаў»
10.07.2024
