Журналістку Валерыю Касцюгову перавялі ў гомельскую жаночую калонію

Валерыя Касцюгова — паліталагіня, заснавальніца і рэдактарка сайта экспертнай супольнасці «Наше мнение», рэдактарка і аўтар «Беларускага штогодніка» і кіраўніца групы экспертаў па маніторынгу «Беларусь у фокусе» — была затрыманая 30 чэрвеня 2021 года супрацоўнікамі КДБ пасля вобшуку ў яе жыллі.

Коллеги в тюрьмах. Напишите им письмо поддержки АКТУАЛЬНЫЕ АДРЕСА

Жанчыну змясцілі ў ізалятар на Акрэсціна, адтуль перавялі ў СІЗА № 1. Амаль два гады яна правяла на «Валадарцы» ў чаканні суду і яшчэ некалькі месяцаў — пакуль прысуд уступіў у законную сілу. За кратамі сустрэла свой 55-гадовы юбілей.

17 сакавіка 2023 года суддзя Мінскага гарадскога суда Дзіна Кучук прызнала Валерыю Касцюгову вінаватай паводле трох артыкулаў Крымінальнага кодэкса: ч. 1 арт. 357 (дапамаганне дзеянням, учыненым з мэтай захопу ўлады), ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы) і ч. 3 арт.130 (распальванне іншай сацыяльнай варожасці).

Валерыю Касцюгову судзілі разам з Таццянай Кузінай — адной з заснавальніц праекта SYMPA, даследчыцы ў сферы дзяржаўнага кіравання. Кузіну затрымалі на дзень раней за Касцюгову ў мінскім аэрапорце на пашпартным кантролі перад рэйсам на Тбілісі.

У чым канкрэтна звінавацілі жанчын-экспертак, застаецца не вядомым: з адвакатаў узялі падпіскі пра неразгалошванне, а суд праходзіў у закрытым рэжыме.

Чытайце яшчэ:

Стала вядома пра затрыманне журналіста-фрылансера Аляксандра Ігнацюка

Белсат TV праз спадарожнік будзе перадаваць сігнал у якасці HD

Самая длинная ночь: что для белорусов изменилось в медиаполе с 9 августа 2020-го?