Прадпрыемства падало ў суд на журналіста «Белсата» за ўрон дзелавой рэпутацыі

Аўтар «Белсата» сцвярджае, што прадпрыемства неабгрунтавана завышае цэны на свае паслугі, але нягледзячы на гэта, фактычна стала манапалістам па ачыстцы рэзервуараў для мазуту ў сістэме «Белэнерга».

Таксама ў сюжэце ідзе размова пра сур’ёзныя парушэнні ў галіне аховы навакольнага асяроддзя на Рагачоўскай ТЭЦ. Былы супрацоўнік рагачоўскай кацельнай сцвярджае, што адкіды мазуту «Белкотлаачыстка» проста закапала ў зямлю.

Падчас падрыхтоўкі матэрыялу журналіст сабраў пісьмовыя доказы, пабываў на тэрыторыі кацельнай і нават правёў альтэрнатыўны тэндар на правядзенне падобных паслугаў.

У адказ на журналісцкае расследаванне ТАА «Белкотлаачыстка» звярнулася з пазовам у Эканамічны суд Мінска і просіць спагнаць з журналіста 5 000 беларускіх рублёў кампенсацыі за пашкоджаную дзелавую рэпутацыю прадпрыемства.

На адрас тэлеканала «Белсат» ТАА «Белкотлаачыстка» пакуль іск не падавала.

Літоўскаму дэпутату пагражае імпічмент пасля расследавання, у якім удзельнічаў журналіст «Белсату»